Kylian Mbappe do të prezantohet në “Santiago Bernabeu” si lojtar i Real Madridi para 85 mijë shikuesve pasi skuadra spanjolle ka bërë të ditur se janë shitur të gjitha biletat.
Mbappe do të prezantohet të martën, më 16 korrik dhe o të njoftojë gjithashtu se ai do ta bart fanellën me numrin nëntë. Mbappé do të jetë atje me familjen e tij dhe Real Madridi ftoi edhe disa legjenda të klubit për të mirëpritur yllin francez.
“Presidenti i Real Madridit, Florentino Pérez, do të mirëpresë Kylian Mbappé në Real Madrid City për nënshkrimin zyrtar të kontratës që lidh lojtarin tonë të ri me klubin për pesë sezonet e ardhshme”, thuhet në njoftimin e lëshuar nga skuadra spanjolle, përcjellë KosovaPress.
Pas prezantimit, Kylian Mbappé do të flasë për mediat në sallën e shtypit në “Santiago Bernabéu”.
