Në konferencën për mediat, mbojtësi i kombëtares Mario Mitaj tha se përballja me Kroacinë në Hamburg është vendimtare për fatet e kuqezinjve në grup. Mitaj thotë se ndeshja do të jetë e vështirë me një ekip si Kroacia, por shton nevojën për të marrë më patjetër 1 pikë, pra që rezultati i ndeshjes të dalë barazim.
"Trajneri na ka thënë që kemi bërë një paraqitje të mirë, ajo që duhet të përmirësojmë janë goditjet standarde.
Gjithë lojtarët dhe tifozët u habitën se goli u bë shumë shpejt dhe u emocionuam . Kur luan me një kundërshtar si Italia ata do gjejnë hapësirën dhe do bëjnë golin.
Shpresoj të futemi me një psikologji më të mirë me Kroacinë. E dimë sa e fortë është si skuadër Kroacia. Sot do vëmë në provë dhe do analizojmë më shumë taktikisht se si do jenë dhe se si do futemi në fushë. Sot është dita e përgatitjes për Kroacinë. Mbrojtjen e kanë pikën e fortë.
Shpresoj të futemi me një psikologji më të mirë. Po përgatitemi sa më shumë. Analizojmë kundërshtarin. Do të futemi me personalitet si me Italinë. Shpresojmë të marrim 1 pikë", u shpreh Mitaj.dritare.net
