Macja mbijetoi për ditë të tëra pa ujë dhe ushqim.
Një familje në SHBA është ribashkuar me kafshën e tyre, e cila u dërgua aksidentalisht në Kaliforni.
Galeana është një mace e adhurueshme që jeton me kujdestarët e saj në Utah. Pak ditë më parë, macja u zhduk nga shtëpia dhe familja filloi në kërkim të furishëm.
Macja më në fund u gjet në një shtet fqinj, nga një punonjës i Amazon, një javë më vonë.
Kafsha shtëpiake kishte hyrë në një pako të familjes, e cila po kthente një produkt dhe megjithëse prej ditësh kishte mbetur pa ushqim dhe ujë, ishte në gjendje të mirë.
Kujdestari i saj Carrie Clark tha për TV se Galeana pëlqen të futet në kuti: "Është pjesë e personalitetit të saj". Dhe nga pamja e tij, ai personalitet është goxha i fortë duke pasur parasysh se ajo i mbijetoi një dërgese të madhe Amazon që kishte brenda kuti të tjera me objekte metalike që mund ta kishin lënduar. Fatmirësisht kutia e saj ishte hapur në një moment dhe macja mund të merrte frymë.
Sipas zonjës Clark, lajmi se macja e tyre ishte gjallë dhe shëndoshë ishte gjëja "më e çmendur dhe më emocionuese" në botë, duke pranuar se në fillim ajo mendoi se ishte tallur nga veterineri i Kalifornisë, i cili e thirri me lajmin.
Zonja Clark dhe burri i saj fluturuan mijëra milje për t'u ribashkuar me kafshën e tyre dhe me këtë rast inkurajuan njerëzit që t'i bënin kafshët shtëpiake me mikroçipe , si dhe të kontrollonin trefish çdo kuti që largohej nga shtëpitë e tyre. /Libeale.al
