Drita ka shënuar fitoren e tretë radhazi në Superligë.
”Intelektualët” shënuan fitore në shtëpi ndaj Dukagjinit, me rezultat 2-0, duke shfrytëzuar për mrekulli gabimin e Ballkanit dhe Llapit, shkruan IndeksOnline.
Pjesa e parë u mbyll me barazim 0-0, derisa fitoren skuadra nga Gjilani e arriti në pjesën e dytë.
Raddy Ovouka i dha epërsinë Dritës në minutën e 56-të, derisa Samson Obioha vulosi fitoren në minutën e 71-të.
Drita me këtë fitore ka hyrë fuqishëm në garë për titull, duke u renditur në vendin e tretë me 43 pikë, një më pak se Llapi dhe dy më pak se Ballkani.
Në anën tjetër Dukagjini renditet në vendin e gjashtë me 30 pikë./IndeksOnline/
