Populli shqiptar dhe gjuha shqipe, janë të paktën 6 mijë vjet të vjetër dhe autoktonë në këto troje”, thuhej në një artikull të revistës prestigjioze “Science” së fundmi. Mimoza Kore, historiane gjuhe e ftuar në emisionin Shqip nga Rudina Xhunga në Dritare TV, tha se ky studim po ashtu edhe gjuhëtarët janë në një linjë për lashtësinë e shqipes.
“Revista Science dhe gjuhëtarët janë në një linjë për lashtësinë e gjuhës shqipe.
Shqipja ashtu siç thoshte edhe profesor Aleks Buda ka prejardhje anatoliane dhe erdhi në këto troje ku jemi ne sot. Të lashtë themi të gjithë. Përsa i takon vitit që shkruhej aty 6 mijë, duhet parë se si e kanë llogaritur por ndoshta mund të kenë përdorur metoda gjenetike. Por është shumë e rëndësishme të theksojmë që ne kemi gjurmë në periudhën antike, dhe kjo është e rëndësishme, ndaj jemi autoktonë. Dhe nuk kemi pse të hymë në diskutime të tjera. Nëse ne vijmë nga ilirët ne e kemi provuar autoktoninë”, u shpreh zonja Kore në Dritare TV./L.F-dritare.net
