Edhe një tjetër hap i gabuar i Juventusit në kampionat në javën e radhës së Serie A, duke iu larguar gjithnjë e më shumë kreut të tabelës .
Bardhezinjtë barazuan në transfertën ndaj Veronës me rezultatin 2-2, me vendasit që kishin nevojë emergjente për pikë, pasi ndodhen në 3 vendet e fundit të renditjes që të zbresin një kategori më poshtë.
Vendasit kaluan të parët në avantazh me Folornshuno në minutën e 11 të takimit. Vlahoviç riktheu barazpeshën dhe pjesa e parë u mbyll në barazim 1-1.
Atëherë kur pritej që miqtë të merrnin kontrollin e lojës vjen dhe goli i avantazhit nga Noslin, të cilit iu kundërpërgjigj Rabiot 3 minuta më vonë.
Juventusi u përpoq të bënte diçka më shumë për të dalë me 3 pikë nga ky takim, por finalizimet përpara portës ishin të gabuara.
