Arbnor Muja është zyrtarisht futbollisti më i ri i Samsunsporit në Superligën e Turqisë. Sulmuesi i kombëtares ka lënë Antwerpin në Belgjikë dhe për tre vite e gjysmë do jetë pjesë e elitës turke.
Lajmi është konfirmuar nga vetë klubi turk, që pas gjysmës së parë të sezonit mban vendin e 15-të në renditje. Pesë ndeshje ka luajtur Muja me Kombëtaren, teksa kjo lëvizje mund të shihet edhe si një hap pas në karrierën e 25-vjeçarit nga Mitrovica.
I dalë nga moshat e Trepçës, ai ka luajtur edhe me Skënderbeun, Dritën, Braunschueih 2 dhe Antwerp në Belgjikë. Gjatë sezonit të fundit me belgët ai u aktivizua në 35 takime, duke shënuar gjashtë gola, një prej të cilëve edhe në Champions League.
Kujtojmë se merkato në Turqi mbyllet sot pas orën 00:00 me atë lokale, ndërsa mesditën e kësaj të premteje edhe Besiktas zyrtarizoi Ernest Muçin.
