ANGLI - Trajneri i Liverpool-it, Jürgen Klopp, këtë të premte nuk i bëri fjalët e tij kur dha opinionin e tij për futjen e kartonit blu, të cilin IFAB planifikon të zbatojë, me të cilin lojtarët që kryejnë gabime taktike, ose protestojnë kundër shkeljeve do të dënohen me 10 minuta përjashtim nga arbitri.

Klopp ishte shumë kritik ndaj anëtarëve të IFAB këtë të premte, në një konferencë për shtyp: "Nuk e mbaj mend herën e fundit që këta djem (IFAB) kishin një ide fantastike... nëse do ta kishin ndonjëherë një të tillë." 

Kartonët blu do të përdoren për të ndëshkuar faullet që ndërpresin “sulmet premtuese” apo protestat e futbollistëve. Gjithashtu, një lojtar do të përjashtohet nga ndeshja nëse merr dy kartonë blu, ose një blu dhe një të verdhë (dhe anasjelltas).

Klopp u tha mediave: "Nuk më tingëllon si një ide fantastike menjëherë. Sinqerisht nuk më kujtohet hera e fundit kur këta njerëz (IFAB) kishin një ide fantastike, nëse e kishin ndonjëherë një të tillë."

Ndërkohë Mauricio Pochettino, trajneri i Chelseat, beson se kartonët blu do të shkaktojnë më shumë polemika dhe do të komplikojnë gjërat për lojtarët, gjyqtarët dhe tifozët.

Kartoni blu nuk do të zëvendësonte asnjë prej atyre ekzistues, por do t'i shtohej kartonit të verdhë dhe atij të kuq. Në fakt, dënimi që do t'u shqiptohej atyre që e shohin do të ishte në gjysmë të rrugës së atyre që u përmendën.