Pas paraqitjeve të shkëlqyera me Legian e Varshavës, Ernest Muçi, po përgatitet për një aventurë të re.
Sipas asaj që raportojnë mediat turke, së fundmi, interes për sulmuesin shqiptar ka shfaqur Caykur Rizespor.
Në dhjetor, për Muçin u përfol për një kalim te Fulham. Madje shifrat e përmendura të transferimit shkonin deri 15 milionë euro. Kështu do të bëhej transferimi më i shtrenjtë në historinë e klubit polak.
22-vjeçari ka dhe 1 vit e gjysmë kontratë, dhe te Legia nuk kanë ndërmend të nxitojnë.
3 vite më parë, për shifrën e 500 mijë eurove, talenti kryeqytetas u shit në Poloni nga Tirana. Këta të fundit kanë ruajtur një përqindje në kartonin e tyre.
