Boksieri turk i kategorisë super të mesme, Cem Kilic ka vdekur në moshën 29-vjeçare.
Kilic ishte i lindur në Gjermani, ndërsa u vendos në SHBA për të ndjekur ëndrrën për karrierë në boksin profesionist.
Ai ka luftuar me varësinë nga substancat dhe problemet mentale në vjetët e fundit. Sipas Boxing Scene, një mbidozë solli vdekjen e Cilicit.
Vdekja e tij është konfirmuar nga federata turke e boksit. Ai kishte 18 meçe në boksin profesionist, ndërsa e kishte vetëm një humbje.
Madje kishte luftuar në një mbrëmje ku u paraqit Tyson Fury, në vitin 2019. 11 prej 17 fitoreve i kishte me nokaut, ndërsa së fundi kishte boksuar në gusht të vitit 2022.
