Singapori shtrihet në ishullin kryesor dhe përfshin pesëdhjetë, ose më mirë 63 ishuj fqinjë më të vegjël. Nga metropolet fqinje aziatike, dallon më së shumti për nga pastërtia dhe rregulli dhe njihet edhe si një destinacion i pasur me aeroportin më të mirë në botë. Aeroporti i Singaporit është një qendër ndërkombëtare, që do të thotë se fluturimet me pjesën tjetër të planetit janë të shkëlqyera dhe do të gjeni një fluturim të drejtpërdrejtë në pothuajse çdo metropol në botë.
Nuk keni nevojë të shqetësoheni për sigurinë, sepse Singapori është një nga vendet më të sigurta në botë. Është i njohur për ligjet e tij strikte, të cilat vërtet zbatohen këtu dhe disa prej tyre mund t’ju duken qesharake.
Një nga ato ligje ndalon shitjen e çamçakëzit. Ju si turist mund t’i sillni një pako ose dy. Megjithatë, në aeroport do të konfiskohen sasi më të mëdha. Interesante! Duke folur për ligje qesharake – këtu është një ligj praktik. Në Singapor, ekziston një ligj aktual kundër mos lëshimit të ujit në tualete publike pas përdorimit, dhe nëse kapeni ddo të gjobiteni me 150 sgd, që është rreth 100 euro.
Singapori vizitohet dhe përjetohet më së miri gjatë një prej festivaleve të tij të shumta. Ai gjithashtu pret shumë festivale ndërkombëtare. Midis janarit dhe prillit, më të mëdhenjtë janë Festivali i Pranverës/Viti i Ri Kinez, Lumi Hongbao, Parada e Chingay, Festivali Hindu Thaipusam.
Garat me varka dragoi mbahen midis majit dhe gushtit, dhe Ramazani festohet gjithashtu në mënyrën e tij të pazakontë nga pjesa myslimane e popullsisë. Në shtator është festivali kinez i mesit të vjeshtës, dhe në tetor/nëntor është Festivali i Dritës Hindu Deepavali.
Sigurohuni që të vizitoni Chinatown gjatë festave kineze dhe Indinë e Vogël gjatë festave hindu. Gjithçka shpërthen me ngjyra dhe aromë erëzash. Singapori është një qytet ku bashkohen kulturat kineze, malajziane, arabe, indiane dhe angleze dhe kjo del në pah gjatë festivaleve.
Rrota e Ferrisit më e madhe në botë, më e madhe se ajo e Londrës, ndodhet në Singapor dhe ofron një pamje të pjesës më të njohur të qytetit, Marina Bay.Në gjirin Marina gjenden rrokaqiejt më mbresëlënës, të cilët nuk dihet nëse tërheqin më shumë vëmendjen ditën ose natën kur ndizen dritat.
Brenda Marina Bau ka një shëtitore që është ideale për të shpëtuar nga ngutia dhe nxitimi i qytetit. /Katror.info
