Të marten në 21 nëntor, kombëtarja e Kosovës në futboll do ta luajë ndeshjen e fundit të kampanjes kualifikuese “EURO 2024”.
Në “Fadil Vokrri” përballë do ta ketë Bjellorusinë.
E tashmë disa ditë para ndeshjes, biletat për këtë takim kanë dal në shitje.
Kështu bëhet e ditur nga Federata e Futbollit të Kosovës.
Në njoftimin e FFK-së thuhet se ato mund të blihen përmes këtij linku:
https://eu.ebileta.al/biglietteria/listaEventiPub.do
“Çmimet e biletave janë si në vijim: Veri dhe Jug 5 euro, Lindje 10 euro, Perëndim 20 euro dhe VIP 80 euro”, njofton FFK-ja.
VINI RE!
Procedura se si blihet bileta online:
Fillimisht ju duhet të regjistroheni në platformë.
Mandej zgjidhni tribunën e stadiumit dhe më pas e selektoni ulësen e preferuar.
Pasi t’i zgjedhni biletat, vazhdoni me pagesën online.
Pasi të përfundon blerja online, ju duhet të pritni deri të gjenerohet Bileta si dhe Fatura juaj.
Biletën do ta pranoni gjithashtu në email (kontrolloni edhe folderin SPAM gjithashtu).
Bileta patjetër duhet të jetë e printuar në formatin A4, printimi duhet të jetë i kualitetit të lartë.
Biletat janë të personalizuara (Në stadium mund të hyjë vetëm një person me një biletë pa marrë parasysh moshën).
Shënim: Personat që rastësisht pas blerjes së biletës nuk e marrin atë nëpërmjet emailit, atëherë atë mund ta gjejnë përmes kodit në linkun e mëposhtëm:
https://eu.ebileta.al/biglietteria/trans/restore
