Trajneri i Ballkanit, Ilir Daja dhe mbrojtësi Arbër Potoku folën sot për mediat para ndeshjes së nesërme në Ligën e Konferencës kundër Astanas.
Nesër me fillim nga ora 16:30 Astana e pret në shtëpi, në stadiumin “Astana Arena” kampionin e Kosovës, Ballkanin, raporton KosovaPress.
Daja tha se pret nesër një ndeshje tejet të vështirë, por se pavarësisht gjithçka Ballkani do të luajë për të kërkuar maksimumin e rezultateve.
Po ashtu, trajneri i kampionit të Kosovës tha se ka përgatitur ekipin që lojtarët të hyjnë në fushë vetëm për ta fituar ndeshjen.
Mendim të njëjtë sikur Daja ndan edhe mbrojtësi Arbër Potoku, i cili tha se ndeshja e nesërme është tejet e vështirë por se ekipi shpreson që të kthehet në Kosovë me rezultat pozitiv.
Ndërkaq, Potoku foli edhe për gjasat që i ka Ballkani për ta kaluar grupin dhe për ta prekur “play-offin”.
Ballkani do të synojë me çdo kusht fitoren nesër, që të mbajë gjallë gjasat për kualifikim tutje në Ligën e Konferencës.
Momentalisht, Ballkani zë vendin e tretë në Grupin C me tre pikë, aq sa ka edhe Dinamo Zagrebi në vendin e dytë e Astana në vendin e fundit.
