Inter nuk ndalet në Seria A, teksa ka marrë 3-pikëshin e rradhës ndaj Empolit.
Zikaltrit në 5 javë kanë marrë 5 fitore, duke kryesuar me 15 pikë dhe me një golavarazh mbresëlënës: 14 gola të realizuar dhe 1 të pësuar.
Në transfertë ndaj Empolit, Interit i ka mjaftuar 1 gol për të mposhtur kundërshtarët që e nisën takimin me tre shqiptarë në formacionin titullar, ku përveç Etrit Berishës në portë, ishin edhe Ismajli në mbrojtje dhe Stiven Shpendi në sulm.
Në krahun tjetër Kristjan Asllani ishte në stol për zikaltrit, duke mos u aktivizuar nga trajneri Inzaghi.
Goli që vendosi ndeshjen u realizua nga Di Marco në minutën e 51-të me një gjuajtje të fuqishme nga jashtë zone, me një top që përfundoi në trekëndësh dhe ishte i pakapshëm nga Berisha.
Miqtë administruan shumë mirë këtë avantazh dhe morën tri pikë me shumë vlerë dhe shohin përpara, duke menduar për sfidën e radhës në shtëpi me Sassuolon.
Empoli mbetet në fund të Serie A me zero pikë, për më tepër pa shënuan qoftë edhe një gol në pesë javë.
