Finalja e Superkupës do të sjellë Superderbin mes Trepçës dhe Pejës.
Trepça për të kaluar në finale të Superkupës eliminuan Bashkimin dhe Sigal Prishtinën, kurse rruga e pejanëve ishte duke mundur Proton Cable Prizrenin dhe Golden Eagle Yllin.
Mitrovicasit janë fitues aktualë të Kupës, kurse pejanët kampionë aktualë.
Kështu finalja e Superkupës ka ‘rezervuar’ derbin mes dy skuadrave me traditë të basketbollit të Kosovës dhe që e duan trofeun e çmuar në basketbollin e Kosovës.
Sfida zhvillohet të dielën nga ora 17:00 në Therandë, ku është zhvilluar Superkupa dhe transmetohet në Klan Kosova.
