Dhimbja e tradhtisë ende jehon në zemrën e Alena Seredova. Martesa që përfundoi me Gigi Buffon është një “plagë” lëndimi jo vetëm për showgirl-in çek. Pas kaq shumë vuajtjesh, ajo tashmë ka arritur të ecë përpara falë dashurisë me Alessandro Nasi, teksa u martuan këtë verë.
Në një intervistë të fundit për “Harper’s Bazar”, Alena tregoi disa të vërteta të reja për periudhën në të cilën zbuloi se Gigi po e tradhtonte me Ilaria D’Amico.
"Shkoja në stadium për ta mbështetur atë dhe Juventusin, por të gjithë e dinin tradhtinë. Të gjithë të ashtuquajturit miqtë dhe të njohurit e futbollit më thanë përfundimisht se e dinin që Gigi po më tradhtonte… Kësisoji, unë ndalova së jetuari së bashku me të".
Pasi zemërimi kaloi, Alena më pas e kuptoi menjëherë se çfarë tip mashkulli donte në krah të saj: "E kisha të qartë… Më pas, pak më vonë, takova Alessandro. Besoj në atë që transmeton si njeri dhe për çfarë është gati. U dashuruam me njëri-tjetrin dhe këtë e tregon fakti që jemi mjaft mirë bashkë.
Vlerësimi i tre muajve të parë të martesës? Nuk ka ndryshuar shumë në shtëpi, pastaj jetojmë bashkë prej shumë kohësh. Ende flasim me miqtë e mi se sa e mrekullueshme ishte fundjava… Na pëlqeu aq shumë, sa do të dëshironim ta bënim përsëri çdo verë".
