UEFA do të shpërndajë çmimet e më të mirëve për këtë vit më 31 gusht.
Dy ‘yjet’ e Manchester Cityt, Kevin de Bruyne dhe Erling Halaand, sëbashku me Lionel Messin janë përzgjedhur nga UEFA si tre kandidatët për lojtarin më të mirë të vitit. Fituesi do të zgjidhet me 31 gusht dhe do të pasojë Karim Benzema-n, i cili këtë verë la Real Madridin për t’u transferuar në Arabinë Saudite.
Sakaq në treshen për trajnerin më të mirë të vitit, përveç Guardiolës së Manchester City-t, janë edhe dy italianët Luciano Spalletti dhe Simone Inzaghi. I pari fitoi Seria A me Napolin, ndërsa Inzaghi arriti të shkonte deri në finale të Champions League me Interin.
