Sipas Football Italia, Luciano Spalletti, do të jetë trajneri i Italisë teksa çështja konsiderohet e përfunduar pasi më 16 gusht do të bëhet njoftimi zyrtar nga federata.
Duhet theksuar se Luciano Spalletti, pas fitimit të skudetos me Napolin, kishte bërë të ditur vendimin e tij për t’u tërhequr përkohësisht nga pankina, ndërsa në deklaratat e tij qershorin e kaluar i ishte referuar kësaj mundësie.
Kujtojmë se Italia është në kërkim të një trajneri pas vendimit të Roberto Mancinit për të dhënë dorëheqjen si drejtues teknik, vetëm dhjetë muaj para turneut të Euro 2024.
