Ndonëse video-loja PlayerUnknown’s Battlegrounds nuk është aq e përfolur në vendin tonë, ngjarje të shumta profesionale organizohen anë e mbanë botës.
Dyshja nga Kosova, Raif “rappha” Brajshori nga Prishtina dhe Eron “pheronica7” Haxhimehmeti nga Mitrovica kanë arritur që të bëhen pjesë e njërit nga turnetë më të rëndësishëm të PUBG.
Edhe pse me shumë vështirësi, përmes turneve kualifikues, rappha dhe pheronica7 së bashku me skuadrën e tyre mForce, janë kualifikuar në turneun PUBG EMEA Championship: Spring.
Në këtë turne do të garojnë skuadra nga tri rajone siç janë: Komonuelthi i Shteteve të Pavarura, Evropa, Lindja e Mesme dhe Afrika.
FOTO: TELEGRAFI
Skuadra e dyshes nga Kosova, janë e vetmja skuadër nga Ballkani që është kualifikuar për në këtë turne të rëndësishëm.
Në garë do të jenë 16 skuadrat më të mira nga tri rajonet e lartpërmendura, për një grup çmimesh prej 100.000 dollarësh.
Turneu do të fillojë me datën 24 mars, dhe do të transmetohet në kanalin zyrtar të PUBG_Battlegrounds.
Gjithashtu tri skuadrat më të mira të këtij turneu, do të sigurojnë pjesëmarrjen në Botërorin e madh të PUBG, ku ndahen çmime në vlerë prej 3 milion dollarësh.
Turneu do të fillojë me datën 24 mars, dhe do të transmetohet në kanalin zyrtar të PUBG_Battlegrounds
