Real Madridi është mbreti i Evropës sot, nesër dhe gjithmonë. Skuadra e bardhë ka grumbulluar 14 tituj të Ligës së Kampionëve në histori, ku titulli i fundit ishte një nga më prestigjiozët që kanë arritur të bardhët, sa për të ashtuquajturin “Comeback Champions”.
“Apple TV+” përmblodhi momentet më të mira të asaj arritjeje me përmbysje dramatike dhe epike të rezultateve nag “Los Blancos” në serialin “Real Madridi, deri në fund”, në të cilin publikohet një moment i paprecedentë me Carlo Ancelottin, pas gjysmëfinales së Championsit të vitit të kaluar, mbasi kishte përjetuar një kohë shumë të vështirë shtesë ndaj Chelsea.
Kamerat e kapën trajnerin italian mjaft të lodhur, pasi përjetoi shumë tension ndaj skuadrës londineze. Kujtojmë që blutë e Londrës, pas disavantazhit 1-3 në ndeshjen e parë, në “Stamford Bridge”, shkuan deri në epërsinë 0-3 në “Santiago Bernabeu”.
?? ¡Lo que no viste de nuestro partido en casa contra el Chelsea la temporada pasada!?? ¡Descubre esto y mucho más en #RealMadridHastaElFinal!? Primer mes gratis en @AppleTVPlus: https://t.co/RIDSlhsRZz pic.twitter.com/s5xWgc5xpa
— Real Madrid C.F. (@realmadrid) March 12, 2023
Pra, përmbysja epike u realizua për momentin, edhe kualifikimi në finale e Parisit, por nuk ishin të një mendjeje Rodrygo dhe Benzema, që shënuan dy herë në dhjetë minutëshin e fundit të kohës së rregullt dhe shtesën e kësaj ndeshjeje. Kështu, ata i hoqën nga duart përmbysjen e madhe Chelsea, që do të kishte hyrë me siguri në historinë e futbollit dhe Champions League.
“Nëse nuk vdes sot, jam i pavdekshëm”, – shihet Ancelotti duke thënë para kamerave, teksa gërhiste nga ngarkesa psikologjike dhe mezi mbushej me frymë. Përveç kësaj, “Carletto” ka dashur të përgëzojë tifozët për “fluturimin” e ekipit: "Çfarë atmosfere! Faleminderit të gjithëve!"
