Leo Messi e përfundon kontratën me PSG-në në më pak se katër muaj. Më 24 qershor ai do të jetë 36 vjeç dhe më 1 korrik, lojtar i lirë.
Në planin sportive, vjen nga eliminimi në Champions League ndaj Bayernit, por edhe pas triumfit në Kupën e Botës dhe pasi mori çmimin “The Best”.
“Ylli” argjentinas duhet të vendosë për të ardhmen e tij. Ai dëshiron të vazhdojë të paktën një vit në futbollin elitar, pra atë evropian, ku PSG vazhdon të jetë opsioni i tij i parë pavarësisht fiaskos europiane.
Barça, gjithashtu është një mundësi për shkak të vullnetit të presidentit Joan Laporta për ta rikthyer pas divorcit që dhimbshëm të vitit 2021.
Presidenti i Barçës konfirmoi se u takua me Jorge Messin, babanë dhe agjentin e Leos, por se në thelb folën për nderimin e Leos si ikona historike e klubit, pas largimit të tij të trishtuar në gusht 2021. Por tani për tani, asgjë më shumë.
Nuk ka dalë ndonjë klub tjetër i madh evropian që të jetë i interesuar për Messin, sepse vazhdimësia e tij në Paris u konsiderua si e mirëqenë.
More Rail Officials in Greece Face Charges Following Deadly Train Crash
Keep Watching
Nëse negociatat dështojnë, nuk mund të përjashtohet që ndonjë klub i madh nga Premier League apo Italia, me financa të shëndetshme, të bëjë ofertë.
Inter Miami ka lëvizur edhe për Messin. Klubi Beckhamit e dëshiron që ai si një “yll” që shërben si në planin sportive dhe për imazh në MLS amerikane. Problemi është se nuk mund të konkurrojë me të mëdhenjtë e Evropës apo me futbollin arab në nivelin ekonomik.
Arabia Saudite, nga ana tjetër, dëshiron Kupën e Botës 2030 dhe, me Cristianon tashmë në futbollin e saj, ëndërron të rekrutojnë edhe Messin për t’i pasur dy “yjet” si ambasadorë për kauzën e tyre.
Al-Hilal duket se është klubi i zgjedhur nga federata për të tunduar Leon, nëse ai vendos për këtë futboll. Por fakti është se Leo nuk i merr parasysh këto oferta sot.
