Saad Lamjarred, një këngëtar maroken, është shpallur fajtor për përdhunimin e një gruaje të re në Francë dhe është dënuar me gjashtë vjet burg.
Lamjarred, 37 vjeç, nuk pati asnjë reagim pas shpalljes së vendimit nga një gjykatë në Paris të premten. Ai u ndalua menjëherë, raportoi BBC.
Gjatë një gjyqi të shkurtër, ai mohoi të kishte përdhunuar gruan në një hotel në Paris në vitin 2016.
Lamjarred është i famshëm në botën e muzikës arabe. Hiti i tij “LM3ALLEM” është parë më shumë se një miliard herë në YouTube.
Kur Lamjarred u arrestua në vitin 2016, mbreti i Marokut – i cili i ka dhënë Lamjarredit nderimin më të lartë kombëtar të vendit – ndërhyri për të mbuluar tarifat ligjore të këngëtarit
Shumë nga fansat e këngëtarit pretenduan në atë kohë se ai ishte viktimë e një “komploti” të Algjerisë fqinje, e cila ka acaruar marrëdhëniet me Marokun.
Dhe kënga e parë që publikoi pas arrestimit, të cilën ia kushtoi mbretit, tregoi se sa popullor mbeti ai, duke fituar mbi 140 milionë shikime..
