Janë minuta vërtet ankthi. Një vajzë adoleshente rrezikoi të mbytej në një pishinë pasi flokët e saj u ngatërruan me filtrin e pishinës.
Vajza 13- vjeçare arriti t’i shpëtojë vdekjes falë ndërhyrjes së shpejtë të familjarëve të cilët vrapuan të marrin një gërshërë dhe ti presin flokët e ngatërruara me filtrin dhe më pas ta nxirrnin jashtë pishinës.
Një kamera CCTV filmoi momentin para se 13-vjeçarja të rrezikonte vdekjen. Maria shihet teksa var këmbët anash pishinës dhe futi kokën në ujë teksa fëmijët e tjerë notonin rreth saj.
Më pas ajo u përkul mbrapa, para se të pësonte aksidentin e saj të frikshëm – dhe gati fatal.
Pasi ajo ngeci nën ujë, një burrë – që mendohet të jetë babai i Marias – u zhyt në përpjekje për ta ndihmuar atë.
Anëtarët e familjes në panik vrapuan në shtëpi për të gjetur gërshërët me të cilat i prenë flokët. Për fat të mirë, Maria ishte e vetëdijshme kur u nxor nga uji. Ajo u dërgua në spital për analiza dhe gjendja e saj shëndetësore ishte e mirë.
Mamaja Rozana Pimentel, e cila publikoi pamjet e ngjarjes, tha në një mesazh në Instagram: “Nuk do të dëshiroja të kaloja këtë frikë dhe dëshpërim për të ditur se mund ta kishim humbur atë nga askush.“Vendosa të ndaj këto imazhe në mënyrë që njerëzit të ndërgjegjësohen për rreziqet e këtij lloji të aparati.”
