Falë rrjeteve sociale, shumë njerëz mund ta mbajnë marrëdhënien në distancë. Madje disa njerëz e gjejnë dashurinë e tyre të vërtetë jashtë shtetit, njësoj si Brit Katie.
Megjithatë, marrëdhënia e saj në distancë nuk është aq e drejtpërdrejtë pasi ajo është e fejuar me një të burgosur në SHBA.
Katie vendosi t’i shkruante një letër të burgosurit Danny në ëriteaprisoner.com dhe shpejt ra në dashuri.
E përkushtuar për të mbajtur gjallë dashurinë e tyre, Katie së fundmi udhëtoi mbi 6 mijë kilometra drejt SHBA-së për të takuar më në fund Danny në jetën reale.
Ajo dokumentoi udhëtimin e saj për të takuar të dashurin e saj në distanca të gjata pas hekurave – dhe madje arriti të bënte disa foto me të. Pasi ka pritur pak për t’u bashkuar me të dashurin e saj, Katie dukej e gëzuar pa masë ndërsa më në fund takoi të dashurin e saj kriminel.
Në një seri fotografish që ngjasojnë me fotot e maturës, Katie dhe Danny përqafojnë njëri-tjetrin për herë të parë. Sipas Katie, Danny ka ende tre vjet brenda – dhe ajo planifikon ta presë atë.
Danny ka vuajtur tashmë pesë vjet për vepra penale që dyshohet se përfshijnë: “Vjedhje me armë, posedim të një arme zjarri dhe posedim të substancave të kontrolluara”, transmeton Klankosova.tv.
