Shefi i grupit parlamentar të Partisë Demokratike të Kosovës (PDK), Abelard Tahiri ka komentuar draft-ligjin e pagave, i cili doli në publik sot, shkruan Gazeta Metro.
Tahiri në Kanal10 ka thënë se grupi parlamentar i PDK-së do të kundërshtojë çdo rritje pagash për kryeministrin, ministrat dhe deputetët.
“Nuk e di qëndrimin e Qeverisë Kurti, mirëpo si grup parlamentar i Partisë Demokratike pa dyshim që do ta kundërshtojmë fuqishëm edhe ngritjen e pagave edhe të deputetëve, kryeministrit, edhe të ministrave, sepse vendi ka hyrë në një krizë dhe në asnjë rrethanë nuk duhet të kemi ngritje të pagave të strukturave të stafit politik në Republikën e Kosovës”, tha Tahiri.
Ndryshe, disa media sot kanë publikuar pjesë të dokumentit, në formë grafike, për të cilat thonë se janë pjesë e draftit të Projektligjit për pagat.
METROPOL MAGAZINE
