Presidenti i Shteteve të Bashkuara të Amerikës (SHBA), Joe Biden ka thënë sot në letrën e dërguar presidentes Osmani për përvjetorin e pavarësisë, se Kosova ka bërë përparim të jashtëzakonshëm gjatë 14 viteve të fundit, shkruan Gazeta Metro.
Joe Biden ka uruar Kosovën për 14-vjetorin e pavarësisë, përmes një letre dërguar presidentes Vjosa Osmani
Në fillim të kësaj letre, Biden ka thënë se Kosova ka bërë progress të jashtëzakonshëm në këto 14 vite të pavarësisë.
“Kosova ka bërë progres të jashtëzakonshëm gjatë 14 viteve të pavarësisë së saj, duke u shndërruar nga një demokraci e brishtë, në një shtet të gatshëm për të ndarë përvojat e veta me botën”, thuhet në fillim të letrës së Biden.
Në këtë letër Biden po ashtu thotë se Kosova duhet të angazhohet për dialog me Serbinë, i cili në qendër duhet të ketë njohjen reciproke.
Konfirmimi i arritjeve të mëdha të Kosovës për këto 14 vite nuk i shkon për shtati diskursit të partisë që aktualisht është në pushtet, VV-së.
Kjo e fundit ka proklamuar vazhdimisht “shkatërrim, vjedhje e korrupsion” në vitet e pasluftës duke fajësuar gjithëherë qeverisjet e kaluara.
Sensi i fajësimit është vërejtur, e madje komentuar me të madhe edhe gjatë qeverisjes së tanishme të Kurtit.
Ky i fundit ka drejtuar gishtin kah qeverisjet e kaluara edhe për çështje jetike, siç është kriza me rrymën.
Më poshtë keni letrën e Presidentit Biden.
