Pajisjet Android më në fund po arrijnë modelet e iPhone, sipas raportit të fundit të shitjeve globale të telefonave.
Kompania “Omdia” shpalli rezultatet e telefonave më të shitur në gjashtë muajt e parë të këtij viti, dhe dhjetë vendet e para u ndanë “në pjesë të barabarta” – pesë modele “iPhone” dhe pesë “Android”.
Në vend të parë është “iPhone 15 Pro Max” me 21.8 milionë njësi të shitura, i ndjekur nga “iPhone 15” (17.8 milionë).
Android më i shitur në gjysmën e parë të 2024 ishte Samsung Galaxy A15, i cili shiti 17 milionë njësi. Megjithatë, kjo mjaftoi vetëm për vendin e tretë në listën e përgjithshme.
Ata pasohen nga “iPhone 15 Pro” (16.9 milionë) dhe “Samsung Galaxy S24 Ultra” (12.6 milionë).
Në gjysmën e dytë të listës Top 10 janë “iPhone 13”, “Samsung Galaxy A15 5G”, “Xiaomi Redmi 13 C”, “iPhone 14” dhe, në pozitën e dhjetë, “Samsung Galaxy A05”.
