Kjo është kafeneja Procope në Paris. E themeluar në vitin 1686, nga siciliani Francesco Procopio Dei Coltelli, Le Procope është kafeneja më e vjetër në botë.
E vendosur në zemër të lagjes Saint-Germain-des-Prés, në një zonë intelektuale me plot galeri arti, Le Procope ka qenë qendra më e famshme e jetës letrare dhe filozofike të shekujve 18 dhe 19.
Historinë e kësaj kafeneje, na e tregon Luan Rama nga Parisi!
“Ishin dy vëllezër që kishin qenë në Stamboll dhe atje kishin çuditur se sa shumë çaj dhe kafe pihej. E provuan kafenë e Stambollit dhe iu pëlqeu. Po flasim në një kohë kur kafeja, nuk pihej kështu si sot, nuk kishte kafene. Pihej vetëm në shtëpi. Vëllezërit Coltelli erdhën pikërisht në këtë zonë të Parisit, e blenë këtë ndërtesë dhe hapën një kafene.
Parisienët dhe intelektualët, e pushtuan këtë vend menjëherë. Kështu u krijua institucioni i kafesë në Paris dhe kafeneja më e vjetër në botë. Një kafene ku janë ulur njerëz të rëndësishëm të botës, si La Fontaines, Voltaire, Benjamin Franklin, Napoleon Bonaparte, Bazac, Victor Hygo”, tregon për Dritare TV.
