Një fenomen i rrallë që nuk ka ndodhur që kur Thomas Jefferson ishte president i SHBA-së do të ndodhë në kontinentin e Amerikës së Veriut.
Nuk është një kometë apo eklipsi i ardhshëm diellor, përkundrazi,shkencëtarët thonë se vendi do të pushtohet nga shfaqja e triliona gjinkallave. Dy lloje të insekteve fluturuese, të quajtura XIII dhe XIX, do të pushtojnë bregun lindor dhe në mesperëndim në javët e ardhshme, një event që nuk ndodh prej vitit 1803.
Shfaqja e një numri kaq të madh gjinkallash nuk pritet të ndodhë sërish deri në vitin 2245.
Unë në fakt e kam pritur me padurim këtë për shumë vite këtë moment”, tha Dr Katie Dana, një entomologe dhe eksperte e gjinkallës nga Illinois për gazetën The Independent. “Unë jam përpjekur të njoftoj, njerëzit nuk e kanë dëgjuar deri këtë vit”, shtoi ajo.
Gjinkallat, të njohura më së shumti për "këndimin" ose cicërimën e tyre me zë të lartë e kalojnë pjesën më të madhe të jetës së tyre nën tokë.
Në SHBA ka 15 pjella “periodike” të gjinkallës, tre që dalin në cikle 13-vjeçare dhe pjesa tjetër çdo 17 vjet. Kjo do të thotë se zakonisht ka vetëm një lloj gjinkalle në të njëjtën kohë.
Shkencëtarët thonë se deri në 1 trilionë gjinkalla pritet të shfaqen në SHBA në javët e ardhshme.
