Godina Bar Lulishte Butrinti është përfshirë nga flakët këtë paradite. Kjo godinë e cila ndodhet në qendër të qytetit të Sarandës, dikur ka qenë edhe konsullatë italiane. Godina ishte ndërtuar në stilin italian në vitet 1920 dhe në kohën e Zogut organizonte evente të ndryshme, si dhe ka qenë pikë qendrore për qytetin.
Lidhur me ngjarjen, studiuesi Auron Tare i cili ka qenë rastësisht në vendngjarje tregon se zjarrëvënia ka qenë e qëllimshme.
“Pashë si ra zjarri. Reagimi ishte i avashtë. Zjarri fillimisht ra në një godinë të braktisur. Nëse do të ishte ndërhyrë me kohë godina historike e ish konsullatës italiane do të kishte shpëtuar. Unë qëllova si dëshmitar i rënies së fundit të trashëgimisë kulturore monarkike në Sarandë. Nuk ka më. Ky është fundi i një periudhe historike që duhet thënë që është shkatërruar në mënyrë të suksesshme nga vetë shqiptarët. Unë aty isha e pashë me shumë dhimbje.
Është bërë qëllimisht për të rrëzuar godinën e ndërtuar më vonë. Është skenë e vrasjes së një monumenti historik që nuk kishte as status mbrojtës as nga bashkia e as qeveria” ka deklaruar ai për Report.
Lidhur me ngjarjen shefi i zjarrfikëses Saranda u pezullua nga detyra për mosreagim në kohë
