Dokumentari Jennifer Lopez “The Greatest Love Story Ever Told” u shfaq premierë këtë të martë. Aktorja 54-vjeçare vendosi t’u tregojë ndjekësve të saj per luftën me veten, me të cilën i duhej të përballej për të arritur famën, pasi kishte pasur një fëmijëri shumë të vështirë në Bronx.
Këngëtarja bëri gjithashtu një zbulim dramatik për marrëdhënien e saj personale me prindërit e saj, duke pretenduar se nuk mori mjaftueshëm dashuri, duke e detyruar atë të zgjedhë të bëhet një grua punëtore për të tërhequr vëmendjen dhe për të fituar miratimin e prindërve të saj: Guadalupe Rodriguez dhe David Lopez.
“Unë nuk isha më e madhja apo më e vogla e familjes, isha në mes,” shpjegoi ajo dhe shtoi gjithashtu se u rrit me një “nënë narcisiste” që e ndjente se ishte “shpirti i festës”, ndërsa babai i saj mungonte emocionalisht sepse punonte gjithë natën dhe flinte gjithë ditën si teknik kompjuteri.
Prindërit e saj nuk shfaqen në dokumentar, por kur përmenden, shfaqen fotografi të tyre. Ky zbulim nga JLo për nënën e saj është befasues, duke qenë se ato kanë një marrëdhënie të ngushtë.
Problemet emocionale të JLo me nënën e saj
JLo ka zbuluar disa detaje rreth marrëdhënies së saj të trazuar me nënën e saj gjatë një dokumentari të mëparshëm, ‘Halftime’ nga viti 2022:
“Mamaja ime është një grua super e komplikuar dhe mban shumë bagazhe, ajo donte që ne të ishim të pavarur dhe të mos vareshim kurrë nga një burrë”.
Por ajo ka nxjerrë në pah edhe se nëna e saj e ka rrahur: “Ajo bëri atë që duhej të bënte për të mbijetuar, dhe kjo e bëri të fortë, por e bëri edhe të ashpër. Ajo na ka rrahur”.
Për lidhjen me të atin, aktorja tha gjithashtu se ata kanë një lidhje të ngushtë, pavarësisht se prindërit e saj u divorcuan dhe ai u martua sërish. Ajo e mbështeti këtë pretendim duke shpërndarë një postim për të uruar babanë e saj për ditën e babait vitin e kaluar, duke shkruar: “Babi, të dua”.
Ai u përgjigj: “Faleminderit zemër, të dua më shumë”. Në vitin 2016, ajo foli edhe për marrëdhënien me të atin gjatë një daljeje në emisionin Today dhe theksoi se “ai e inkurajonte” dhe shprehej gjithmonë se sa “krenar” ishte për arritjet e saj.
“Ndjehem sikur ai ka qenë gjithmonë krenar që kur isha 9 ose 10 vjeç në pistë. Ai thoshte: “Vajza ime vrapon në pistë!”…Atij nuk i interesonte por ishte thjesht krenar për mua.“
Pjesa më e madhe e dokumentarit të ri të JLo flet për mënyrën sesi ajo i kapërceu ato mangësi emocionale nga fëmijëria e saj për të gjetur dashurinë e vërtetë, pas tejkalimit të tre martesave të dështuara dhe viteve të terapisë.
Duke qenë në një rrugë për të mësuar të donte veten, ajo madje pranoi se me prejardhjen e saj familjare “nuk mendonte shumë për veten” dhe se mungesa e vetëvlerësimit të saj ishte shumë e vështirë për t’u kapërcyer.
