Rreth 90 zvarranikë ishin fshehur në bagazhin e një udhëtari, i cili u kap në aeroportin e kryeqytetit të Austrisë. Autoritetet doganore austriake zbuluan rreth 90 zvarranikë të fshehur me kujdes në valixhen e një udhëtari nga Etiopia, me kafshët që vlerësohet të kenë një vlerë totale prej rreth 47,000 euro.
Kontrabandisti, një burrë 50-vjeçar çek, kishte tentuar t'i shmangej kontrolleve duke ndjekur daljen e rezervuar për udhëtarët që nuk duhet të deklarojnë mallrat, por u pikas nga punonjësit e aeroportit.
Disa nga zvarranikët e grumbulluar tashmë treguan shenja të dukshme dehidrimi por të gjithë u shpëtuan,"-bënë me dije autoritetet, ndërsa shtuan se zvarranikët u dërguan menjëherë në kopshtin zoologjik të Vjenës për kujdes të specializuar.
Gjatë marrjes në pyetje, udhëtari tha se zvarranikët ishin "të pavlerë" dhe se ai i kishte sjellë për të ushqyer gjarpërinjtë e tij.
