Rita Ora vuri në pah këmbët e saj të tonifikuara e veshur me një kostum rë zi me material lëkure teksa po dilte nga hoteli me pesë yje “Bowery” në New York City të shtunën.
Këngëtarja 32-vjeçare – e cila së fundmi publikoi klipin e saj më të ri “Praising You” në bashkëpunim me FatBoy Slimpati – kishte veshur një xhaketë dhe një fund të shkurtër, të cilin e kombinoi me çizme të ngjashme të gjata deri mbi gju.
Interpretuesja e hitit “Lonely Together” i kishte kapur flokët e saj bionde në stilin bisht, ndërsa mbante me vete një çantë dore të bardhë me zbukurime mbi supe, shkruan DailyMail.
Rita e plotësoi pamjen e saj me vathë argjendi dhe mbante unaza të mëdha në secilën dorë.
Ndërsa ajo iu afrua rrugës dhe kuptoi se ishte plot me ujë, truproja dhe shoferi i Ritës e ngritën atë në ajëri për të tejkaluar pellgun dhe për të shpëtuar veshjen e saj delikate prej lëkure.
Këngëtarja e lindur në Prishtinë u drejtua më pas për në një event të organizuar në promovim të markës së saj të pijeve alkoolike, “Prospero Tequila”.
Rita është themeluesja e markëss “Prospero”, të cilën si pije e lansoi në treg fillimisht në Mbretërinë e Bashkuar dhe më pas në Shtetet e Bashkuara të Amerikës në vititn 2019.
Kohët e fundit, Ora ka qenë e zënë me fluturime të shumta në mbarë botën për të promovuar këngën e saj të re, “Praising You”. Albumi i saj i tretë i shumëpritur, “You & I”, do të publikohet në korrik.
Kënga e saj e fundit është një përditësim modern i këngës klasike të Fatboy Slim të vitit 1999, me titull “Praise You”.
Klipi i këngës iu besuar bashkëshortit të saj, njëherësh regjisorit fitues të çmimit “Oscar”, Taika Waititi./Katror.info
