Nëse akoma nuk e keni arritur standardin financiar që gjithmonë keni ëndërruar, rrugëtimi i Tori Dunlap do ju frymëzojë të nisni nga puna.
Tori, është sot një investitore, sipërmarrëse dhe personalitet i njohur i mediave sociale amerikane. Ajo ka themeluar “Her first $100K”, e cila është një kompani e edukimit financiar. Ajo ka ndjekur gjithmonë një parim për financat e saj, kursimin.
Tori, arriti të kursejë 100 mijë dollarë në moshën 25-vjeçare dhe sot në moshën 28-vjeçare zotëron një markë “edukimi financiar” dhe është gjithashtu autore e një bestselleri të New York Times.
Ajo rrëfen për ndjekësit e saj se pas ditëlindjes së saj të 25-të, ajo la punën dhe hapi një blog të cilin e quajti “Her First $100K” me qëllimin për të ndihmuar gratë të luftojnë pabarazinë financiare dhe të marrin kontrollin e parave të tyre.
Best-seller i Tori Dunlap
Tori Dunlap
Më poshtë janë tre këshillat kryesore të saj:
Mirë menaxhimi i parasë mësohet me kohën
Të menaxhosh mirë paratë, kërkon kohë. Jo të gjithë e kanë si aftësi, prandaj nevojitet praktikimi.
“Nuk dalim nga barku i nënës si super menaxhues të parasë. Menaxhimi efektiv i tyre mësohet, nuk funksionon menjëherë, dhe nuk do të thotë se ju duhet të hiqni dorë që në tentativën e parë”, thotë Tori.
Ambicia personale bën diferencën
Para se të vendosni objektivat tuaja financiare, së pari duhet të kuptoni vlerat tuaja personale, pa menduar se çfarë po bëjnë të tjerët. “Ju duhet të gjeni gjëra që pasqyrojnë vërtet vlerat tuaja. Nëse synoni gjëra të vështira, mos hiqni dorë, rruga do të jetë më e gjatë, por jo e paarritshme.”
“Fondi i Urgjencës” duhet të jetë gjithmonë i pari
Tori beson se secili prej jush duhet të lërë para mënjanë, s’ka rëndësi shuma. Ajo e quan ndryshe “fondi i urgjencës” dhe rekomandon që të kursesh 3 deri në 6 muaj të vitit. “Ne të gjithë, pavarësisht moshës apo gjendjes financiare, duhet të punojmë drejt këtij fondi emergjence. Ky është hapi i parë , edhe para se të shlyeni ndonjë borxh. Do ju shërbejë në rast se mbeteni të papunë, nëse sëmureni, për çdo të papritur.”/tvklan.al
METROPOL MAGAZINE
