Në kuadër të aktiviteteve të ndryshme që u shënuan gjatë muajit shkurt për nder të 15-vjetorit të shpalljes së Pavarësisë së Republikës së Kosovës, mbrëmë Ambasada e Republikës së Kosovës në Londër organizoi koncert me muzikë klasike duke përmbyllur kështu aktivitetet e saj të këtij përvjetori jubilar, përcjell albinfo.ch.
Ky koncert u organizua enkas për diasporen shqiptare që jeton dhe vepron në Londër, Mbretëri e Bashkuar.
Gjatë kësaj mbrëmje, Ambasadori Kapiti ka përshëndetur të pranishimit me një fjalë rasti, ku kujtoi dhe nderoi rrezistencën e gjatë të shqiptarëve të Kosovës, e cila filloi në mënyrë paqësore e vazhdoi me luftën e UÇK-së që na solli lirinë që e gëzojmë sot. Pas 15 vjetëve të shpalljes së pavarësisë, përulemi para dëshmorëve tanë të të gjitha periudhave dhe të luftës së UÇK-së.
Ambasadori Kapiti falënderoi diasporën shqiptare për punën, angazhimin dhe kontributin e tyre në përgjithësi. Duke shprehur konsideratën e lartë, ai theksoi se diaspora shqiptare është pjesë e pandashme e kombit dhe shoqërisë tonë që në vazhdimësi përkushtohet të mbështesë zhvillimin e vendit dhe avancimin e proceseve demokratike.
Artistët që pewrfomuan për nder të 15-vjetorit të Pavarësisë së Republikës së Kosovës në Holy Trinity Church, Londër:
Besa Berberi – Mezosoprano
Dardane Nallbani Batalli – Flautë
Mariela Cingo – Piano
Leke Salihu – Piano
Yaron Shavit – Piano
