Në seancën solemne të Kuvendit të Kosovës, për nder të përvjetorit të 15-të të Pavarësisë, Presidentja e vendit, Vjosa Osmani, theksoi se është e nderuar që sot nga foltorja e Kuvendit i uron qytetarët për shtetësinë e vendit.
Osmani ka përmendur ata të cilët kanë luftuar e dhënë kontributin e tyre për Kosovën që është sot.
Ka përmendur presidentin historik të Kosovës dr. Ibrahim Rugovën, komandantin legjendar Adem Jasharin. Por jo edhe krerët e UÇK-së që gjenden në Hagë.
Jam e nderuar që sot në ditëlindjen 15’të të Kosovës sonë të mund të ju drejtohem nga foltorja e Kuvendit. Më lejoni ta përgëzojë secilin qytetarë për kontributin në ndërtimin e shtetit tonë të përbashkët. Ta kujtojmë pijetarin e shtetësisë sonë, presidentin historik dr. Ibrahim Rugovën,. T’i kujtojmë bijtë e bijat tona të cilët të rreshtuar në UCK sakrifikuan jetën e tyre. Komandantin historik, Adem Jasharin. T’i kujtojmë përfaqësuesit e institucioneve të pavarura që kontribuuan për këto 15 vite në shtet ndërtim,”- ka deklaruar Vjosa Osmani.
Ajo ka falënderuar poashtu miqtë ndërkombëtar që kanë kontribuar në shtet ndërtimin e Kosovës.
“Sot i rikujtojmë e i falënderohemi edhe miqve tanë, aleatët tanë, të cilët kanë qenë së bashku me ne përherë. Kur ne ishim të shtypur e luftonim për lirinë. Ata janë këtu edhe sot, partner të besueshëm e të qëndrueshëm me të cilët bashkërisht po e ndërtojmë të ardhmen tonë,”- ka shtuar tutje Osmani.
“Zoti e bekoftë Republikën e Kosovës“- ka shtuar Osmani.
E në foltoren e Kuvendit nga deputetja e PDK-së Ganimete Musliu, pak para fjalimit të Preidentes Osmani u vendos emblema e Ushtrisë Çlirimtare të Kosovës.
