Telefoni GT Neo5 i prezantuar nga kompania “Realme” përmban aftësi të avancuara të mbushjes së shpejtë të baterisë.
Ky është telefoni i parë i mençur në botë që zbaton mbështetje për mbushje të shpejtë prej 240W, që është aktualisht fuqia më e lartë e mbushjes me energji në industry, shkruan TechnoNews.
Telefoni do të dalë në shitje në Kinë dhe është njoftuar se shpejtësia e mbushjes do të arrijë në të gjithë botën me modelin e ardhshëm – Realme GT 3.
GT Neo5 sjell tri teknologji mbushjeje të para në industri: arkitekturën e mbushjes së shpejtë 240 W, kabllon e parë të mbushjes me porosi 12A dhe mini-mnushësin e parë të dyfishtë GaN 240W në botë.
Telefoni ofron më shumë se 80% kapacitet të baterisë pas 1600 cikleve të mbushjes, që është dyfishi i standardit të industrisë.
Përveç mbushjes së shpejtë, GT Neo5 ka gjithashtu një sistem ndriçimi transparent RGB në pjesën e pasme. Nëpërmjet dritares transparente, përdoruesit mund të shohin pllakën metalike të çipave me dizajn të personalizuar logoje.
Realme GT Neo5 240W do të jetë i disponueshëm në Kinë nga 9 shkurt 2023, në versionet 16+256GB dhe 16GB+1TB
