Ministri i Mrojtjes, Armend Mehaj, me një postim në rrjetin social Facebook, ka njoftuar se oficerët e rinjë të Forcës së Sigurisë së Kosovës kanë përfunduar trajnimin fushor tani më, shkruan Gazeta Metro.
Mehaj tha se kjo është gjenerata e parë që ka përfunduar këtë kurs bazik për oficer, dhe ka zgjatur disa muaj.
Ministri tha se trajnimet për oficerë përfshijnë disa faza.
Postimi i plotë:
Oficerët tanë të rinj përfunduan me sukses të lartë ushtrimin fushor final të Kursit Bazik për Oficer
Gjenerata e parë e Kursit Bazik për Oficer, ka përfunduar ushtrimin fushor të fundit, pas 4 muajve sfidues akademik në kursin përkatës, i cili realizohet në kuadër të Shkollës së Oficerëve.
Kursi Bazik për Oficer është i përbërë nga tri faza, ku kursantët u testuan në pjesën teorike dhe praktike në modulet e Operacioneve I dhe Operacioneve II.
Përkundër motit të ftohtë dhe sfidave të ndryshme në terren, kandidatët treguan përkushtim maksimal dhe rezultate të larta në ushtrim. Ju lumtë dhe vazhdojmë me suksese të reja!./gazetametro.net
