Vuçiq deklaroi se po afrohet momenti kur Beogradi do të duhet të vendosë sanksione ndaj Rusisë dhe se pret presion pakrahasueshëm më të fortë nga Perëndimi në këtë drejtim.
“Le të shtyjmë kështu sa të mundemi, do ta di kur të jetë momenti i duhur dhe nuk do t’u fsheh asgjë njerëzve”. “Ai moment ka kohë që po afrohet, kam frikë se nuk janë as muaj”, tha Vuçiq.
Vuçiq tha se do të pasojë një “përshkallëzim i madh” i konfliktit në Ukrainë dhe se Beogradi do të përballet me presione pakrahasueshme më të forta për çështjen e marrëdhënieve me Rusinë dhe për çështjen e Kosovës, domethënë do të gjendet mes një vendimi jashtëzakonisht të vështirë.
“Një përshkallëzim i madh po vjen. Në pesë-gjashtë muajt e ardhshëm do të pasojnë konfliktet më të ashpra, më të vështirat e deritanishme, dhe kjo do të ndikojë në vendin tonë në atë që presioni ndaj Beogradit, në marrëdhëniet me Rusinë, do të jetë dy ose tre herë më i fortë, edhe pse presioni deri më tani ishte shumë, shumë i madh. Presione jashtëzakonisht të forta do të ketë edhe rreth Kosovës”, tha Vuçiq.
Ai shtoi se nuk po e thotë këtë sepse mendon se do të ndodhë, por sepse ka gjëra që ai e di se do të ndodhin.
Vuçiq tha se “nuk është më plotësisht e qartë se kush fiton në Ukrainë”, se disa muaj më parë “dukej se Perëndimi kolektiv po fitonte, por tani nuk është më e qartë”./FrontOnline/
