Ambasada e Shteteve të Bashkuara të Amerikës në Kosovë, për shkak të tërmetit në Turqi e Siri, ka ulur flamurin në gjysmështizë, shkruan Gazeta Metro.
Kështu është njoftuar nga vetë ambasada përmes një postimi në Facbook, ku është shtuar se ky veprim është bërë në përputhje me vendimin e presidentes, Vjosa Osmani dhe qeverisë për ta shpallur ditën e mërkurë ditë zie në Kosovë
‘‘Në njohje të deklaratës së Presidentit Osmani se sot është ditë zie për viktimat e tërmeteve në Turqi dhe Siri, ne iu bashkuam Qeverisë së Kosovës në uljen e flamurit tonë në gjysmështizë në respekt dhe përkujtim për ata që humbën jetën nga kjo ngjarje tragjike’’, ka njoftuar ambasada. /gazetametro.net
