Avokadoja asht nji prej frutave (por që shfrytëzohet si perime) që njihet për përfitimet shëndetësore dhe vlerat ushqyese, meqë asht frut që ofron yndyrna t’ngopshme e t’shnetshme për organizmin tonë. Kurse, studimet e fundit tregojnë se dredhëzat e ulin për 40% rrezikun e sëmundjeve t’zemrës; pra sa t’shijshme dhe full vitamina – kanë edhe kësi benefiti t’hatashëm. Ec e mos i kombino mandej këto 2 fruta!
A ke provu me kombinu avokadon me dredhëza? Nëse jo, ne po i ndajmë udhëzimet e maposhtme me shpresën që ke me e provu super-smoothien me avokado dhe dredhëza – smoothie ky që po e provove nuk e ndërron.
PËRBËRËSIT:
100 gr dredhëza (t’prera)
1/3 avokado (e prerë)
1 gotë qumësht
1 lugë gjelle mjaltë
1 lugë gjelle lang limoni
Thërmija kokosi (për dekorim – opsionale)
PËRGATITJA:
Shto përbërësit n’blender. Bluje masën deri sa t’krijohet nji masë e njitrajtshme dhe smoothie t’mos ketë copa t’mëdhaja mrenda.
REZULTATI:
SMOOTHIE ME DREDHËZA DHE BANANE, FOTO: PEELWITHZEEL
Servo smoothie-n n’gotë, shto copëza dredhëze dhe thërmija kokosi po deshe sipër, ose vendose n’shishe t’xhamit e ruje n’frigorifer. Ky smoothie qëndron i freksët për 2 ditë. Thjeshtë çka duhesh me ba asht me e shkundë shishen mirë para përdorimit. Shijo
E nëse je n’kërkim t’ideve t’tjera për smoothie – ne t’i kemi radhitë 5 smoothie-t ma t’mira për shnetë bashk me 3 smoothie me dredhëza që kujtdo i pëlqejnë. Secila asht ma e mirë se tjetra, edhe secilën prej tyre e ke gati brenda 2 minutave.
Poashtu, nji kombinim tjetër ku dredhëzat e avokadoja shkojnë mirë mes vehte dhe janë t’konsumushme për mëngjes asht edhe kur i ban këto 2 fruta bashk me nji tost. Andaj, mos e le pa e provu edhe tostin me avokado dhe dredhëza t’cilin n’pak hapa e ke gati. Shijo
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
