Një tërmet i fuqishëm me magnitudë 7.8 ka goditur Turqinë juglindore pranë kufirit me Sirinë,ndërsa raportohet se shumë njerëz kanë mbetur nën rrënoja, transmeton Gazeta Metro.
Shërbimi Gjeologjik i SHBA’së tha se tërmeti me magnitudë 7.8 goditi në orën 04:17 me orën lokale të Turqisë, në një thellësi prej 17.9 km (11 milje) pranë qytetit të Gaziantep.
Tërmeti u ndje në kryeqytetin Ankara dhe qytete të tjera turke, si dhe në të gjithë rajonin.
Raportohet se disa ndërtesa janë shembur dhe një numër njerëzish mund të kenë mbetur të bllokuar nën rrënoja.
Një korrespondent turk i BBC’së në Dijarbakir raporton se një qendër tregtare në qytet u shemb komplet.
Rushdi Abualouf, një producent i BBC-së në Rripin e Gazës, tha se kishte rreth 45 sekonda dridhje në shtëpinë ku ai po qëndronte.
Sizmologët turq vlerësuan se fuqia e tërmetit ishte 7.4 ballë.
Ata thanë se një lëkundje e dytë goditi rajonin vetëm pak minuta më vonë.
Më poshtë mund t’i shihni disa video pas tërmetit të tmerrshëm që goditi shtetin Turk dhe jo vetëm./gazetametro.net