Nënkryetari i komunës së Skenderajt, Sami Lushtaku ka vizituar sot në Hagë ish-presidentin e Kosovës, Hashim Thaçi, transmeton Gazeta Metro.
Ai në këtë vizitë ka qenë së bashku me gjeneralin Rrahman Rama dhe bashkëluftëtarin Hisni Thaçi.
Lushtaku beson se Hashim Thaçi bashkë me të tjerët, në fund të këtij procesi do të dalin fitimtarë.
”Sot së bashku me Gjeneralin Rrahman Rama e bashkëluftëtarin Hisni Thaçi, vizituam në Hagë mikun tonë, Presidentin Hashim Thaçi. I fortë si gjithmonë, me qëndrim dinjitoz prej një burrështetasi, Presidenti Thaçi bashkë me të gjithë bashkëluftëtarët e tjerë, në fund të këtij procesi do të dalin fitimtarë,” ka shkruar ai në Facebook.
Kujtojmë se ish-eprorët e UÇK’së, Hashim Thaçi, Kadri Veseli, Rexhep Selimi e Jakup Krasniqi akuzohen për krime lufte. Aktakuza ndaj tyre është konfirmuar më 26 tetor 2020. /gazetametro.net
