Blogerja e njohur Marigona Nila Xhaferri ose e njohur ndryshe me emrin Nina, është bërë sot nënë për herë të dytë. Lajmin e ka ndarë së bashku me bashkëshortin në Instagram duke postuar foton e parë me vogëlushin e duke zbuluar emrin tejet të veçantë.
“IARTË Xhaferi!
Mirë se erdhe në këtë botë bir!
Mami dhe babi do jenë këtu për të të mbrojtur deri sa një ditë të na mbrosh ti!
Motra do të dojë si të voglin e saj deri sa një ditë të bëhet e vogla jote!
Gjyshërit do thurrin ëndrra për ty deri sa një ditë t’i kthesh në realitet ato dhe të ndriçosh emrin e tyre!
Shqipëria dhe Kosova do jenë atdheu yt deri sa një ditë ti të jesh gjithçka për ato!
Uroj me shpirt që në këtë jetë të bëhesh një bir i artë, një vëlla i artë, një nip i artë, një atdhetar i artë!
Falenderoj të madhin Zot që mami dhe ti jeni mirë!
I jam përjetë borxhli Marigonës; DIVA e jetës time!
Shëndet dhe fat bir!
00:07 23.01.2023”
