I dërguari i BE-së për dialogun Kosovë – Serbi, Miroslav Lajçak ka thënë se ka mënyra më të mira për t`i larguar barrikadat sesa me makineri të rëndë.
Takimi erdhi pas tensioneve në veri, ku janë vendosur barrikadat në rrugë.
“Kemi barrikadat në Veri. Situata atje është tepër e rëndë. Sot jam në Kosovë, nesër në Beograd. Duhet t`i kthehemi normalitetit të fokusohemi në agjendën për normalizim. Kam biseduar shumë gjëra me Kurtin, por s`dua të jap detaje. Më vonë do ta takoj komandatin e KFOR-it dhe shefin e Eulexit në një përpjekje për një zgjidhje të mundshme”.
“Tensionet nuk i ndihmojnë askujt. Kemi ardhur në këtë moment. Nuk dua të bëjë më gisht drejt askujt. Jemi të zotuar për të gjetur një zgjidhje. Unë jam diplomat. Ka mënyra shumë më të mira për t`i hequr barrikadat sesa me buldozer”, u shpreh Lajçak.
