Në një bashkëjetesë 20 ditore, 11 konkurrentët e “Kepit të Tundimeve” kaluan së bashku ditët më të nxehta të verës.
Teksa duhej të ishin të kujdesshëm që të mos thyenin rregullat që u ishin thënë, shumë prej tyre ranë pre e tundimeve.
Ata na treguan se ishin guximtar, por dhe të pasigurt… Provokues, por dhe të ndjeshëm… Me vetëbesim, por dhe me komplekse. Në fund të kësaj aventure, na treguan që ishin dhe solidarë…
Nga 20 mijë euro, konkurrentët humbën 14 mijë euro gjatë ditëve të qëndrimit, për shkak se thyen rregullat.
Të vetmit që nuk thyen rregullat ishin Mateo dhe Greji. Djemtë, pasi mësuan se janë fitues, ranë dakord që ta ndajnë shumë prej 6 mijë eurosh me të gjithë konkurrentët e tjerë.
