Policia e Kosovës, ka njoftuar se në tentim për të ndaluar një kamion i cili dyshohet që kishte mall kontrabanduar, kanë bërë bllokimin e pjesshëm të rrugës me dy vetura policore, me qëllim të sinjalizimit me kohë për vozitësin e kamionit për tu ndalur.
Megjithatë siç njofton PK-ja, kamioni i dyshuar me një shpejtësi të madhe ka shkuar në drejtim të veturave të policisë, me qëllim goditjen e tyre dhe me këtë rast kamioni ka goditur një veturë zyrtare policore, shkruan lajmi.net.
Tutje shtohet se vozitësi i kamionit e ka goditur veturën policore edhe një herë, duke u shkaktuar lëndime zyrtarëve policorë si dhe duke shkaktuar dëme të konsiderueshme materiale.
