Ministria e Industrisë, Ndërmarrësisë dhe Tregtisë ka publikuar çmimoren e derivateve për sot dhe nesër.
Krahasuar me ditën e djeshme për 48 orët e ardhshme çmimi i benzinës dhe naftës do të jetë më i ulët, ku benzina është liruar për 3 cent, kurse nafta për 1 cent.
Çmimi maksimal i lejuar i gazit ka mbetur i njëjtë.
Çmimi maksimal i lejuar i produktit Dizel është: 1.74€ për litër;
Çmimi maksimal i lejuar i produktit Benzinë është: 1.63€ për litër;
Çmimi maksimal i lejuar i produktit Gas është: 0.78€ për litër
Çmimet e lartcekura vlejnë për datën 17-18/07/2022 prej orës 10:00 dhe janë valide 48 orë nga data dhe ora e publikimit.
Kohë më parë, Qeveria e Kosovës vendosi për vlerën se sa mund të fitojnë kompanitë e shitjes së derivateve. Fitimi është 12 centë për shitjet me pakicë, ndërsa 2 centë për shitjet me shumicë.
Shoqata e Naftëtarëve të Kosovës i kishte dërguar letër Qeverisë së Kosovës me anë të së cilës kërkojnë që marzha të caktohet duke u bazuar në nivelet e çmimeve aktuale. /Telegrafi/
