Pasi që krerët e organizatave të dala nga lufta e UÇK-së u dënuan nga Gjykata Speciale në Hagë, Memli Krasniqi dhe kolegët e Partisë Demokratike të Kosovës kanë vizituar familjet e të dënuarve si shenjë mbështetjeje
Vizita për solidarizim në këtë ditë nuk ka munguar nga Krasniqi dhe kolegët e tij të Partisë Demokratike të Kosovës (PDK), duke bërë vizitë tek familjarët e Hysni Gucatit dhe Nasim Haradinajt.
Në këtë ditë e cila nuk është aspak e lehtë për familjarët e të dënuarve, vizitat me sa duket janë të mirëpritura.
“Duke bashkëndjerë me familjarët e Hysni Gucatit dhe Nasim Haradinajt, së bashku me kolegë të Partisë Demokratike të Kosovës, vizituam sot familjet Haradinaj dhe Gucati, për t’u solidarizuar në këtë ditë aspak të lehtë për ta e për ne”, është shprehur Krasniqi përmes një postimi në Facebook.
Ai ka thënë se liria tek populli jonë në ka ardhur pas shumë mundimeve dhe pengesave, por populli nuk janë dorëzuar asnjëherë deri në çlirimin e plotë.
“E mundimshme dhe me plot pengesa ka qenë rruga jonë për liri, por populli ynë nuk i është shmangur kurrë asaj rruge, deri në çlirimin e plotë”, ka shtuar Krasniqi.
Sipas Krasniqit, familjet Gucati dhe Haradinaj kanë mbështetjen e të gjithëve si dhe qëndrueshmëria dhe krenaria kombëtare nuk ka munguar as ditën e sotme.
