Këngëtarja e talentuar Era Rusi duket se ka gjetur dashurinë.
Artistja dhe partneri i saj prej disa kohësh kanë nisur tashmë edhe bashkëjetesën, duke e konsoliduar kështu marrëdhënien e tyre.
I dashuri i saj është një personazh që nuk i përket fushës së medias, ndaj edhe këngëtarja ka preferuar ta mbajë identitetin e tij sa më privat e madje pa publikuar as foto me të.
Era Rusi ishte e ftuara e Bieta Sulos në “Ftesë në Pesë”, për të folur mbi aktivitetet e shumta muzikore, si dhe të rejat nga jeta personale.
Në bisedë e sipër, Bieta këmbënguli dhe vazhdoi ta ngacmonte, derisa Era pranoi se kur bëhet fjalë për dashurinë, është shumë ëndërrimtare, ndaj edhe preferon të presë.
“Unë besoj te ajo gjëja që zgjat përgjithmonë dhe jam pak natyrë ëndërrimtare kur vjen puna te dashuria. Në një marrëdhënie, nuk jam ajo grifsha që transmetoj në skenë, jam komplet ndryshe”, përfundoi ajo.
Në një intervistë për “Jo vetëm Modë”, u përpoq të mos u përgjigjej pyetjeve për jetën e saj sentimentale, por la të kuptohej se do të martohej së shpejti.
“Mendoj që nëse e nis ta bësh atë gjë, pastaj media nuk do dijë të ndalet, kështu që jam munduar që gjithmonë t’a mbaj jetën time personale sa më larg kamerave, edhe për ta ruajtur. Natyrisht që do vijë një moment kur do ta ndaj edhe unë, se nuk është se fshihem, por kur të martohem, do ta them, do të të ftoj. Do ta merrni vesh. Nuk do të martohem në fshehtësi, kjo është e sigurt”, tha ajo përballë Orinda Hutës, duke paralajmëruar kështu edhe dasmën e saj të afërme.
